แจกสูตรเด็ดๆ กับแกล้มตลอดการ ซุปเปอร์ทีนไก่ ข้นคักๆ

โดย

กุมภาพันธ์ 20, 2019

แจกสูตรเด็ดๆ กับแกล้มตลอดการ ซุปเปอร์ทีนไก่ ข้นคักๆ

เชลล์ชวนชิม ในวันนี้เรามาชวนชิม ตี น ไม่ได้ยินไม่ผิดหรอกจ้า บักอ้ายชวนมากิน ตี น อีหลี จะเรียกให้สุภาพนั่นก็คือขาไก่นั่นเอง

ความไม่มีโรค เป็นลาภอันประเสริฐ ห่างหายก็ไม่ได้สำหรับเมนูอาหาร ในวันนี้อ้ายก็ขอนำเสนอกับข้าวกับปลา ที่หลายคนชอบกินกันนักหนา

นอกจากสิเฮ็ดให้ร่างกายแข็งแรงแล้ว ยังต้องรักษาจิตใจให้แข็งแรงนำพร้อม เกิดเป็นคนมันกะต้องมีความเหงา ความอ้างว้างตามมาเป็นของธรรมดา ในความรู้สึกของบักอ้ายเองความเหงาบ่รุนแรงท่อความอ้างว้างเด้ ท่าเกิดความอ้างว้างขึ้นมาเหลียวไปทางได๋ กะทุกข์กะโศกไปหมดแม้

มีคนเคยบอกเอาไว้ว่า “แค่เหงากะอันตรายท่อเฮาสูบ15มวนต่อมื้อหนึ่ง” คันมันเป็นตา ย่านขนาดนั้นกะอย่าไปเหงามันเถาะเนาะ เฮ็ดหัวใจเฮาให้มันมั่นคง เข้มแข็ง ฮู้ให้ทันความรู้สึกเจ้าของ กะพอสิส่อยความรู้สึกพวกนั้นไปได้คือกัน คันใจแข็งแรงแล้ว ร่างกายกะสิได้แข็งแรงคือกัน

(บอกไผ๋น้อ บักอ้าย เว้ามาตั้งหลายตั้งหลวง ที่แท้กะกำลังบอกเจ้าของแม่นบ่)

ในตอนนี้บักอ้ายกะสินำเสนอเมนู ขาไก่ซุปเปอร์ หลายคนคงเคยได้ยินเนาะว่าขาไก่มี คอลลาเจนหล๊ายหลาย กินแล้วสิว่าเฒ่าบ่แก่ หน้าเด้งปานเด็กน้อย อีหลีแล้วมันสิ ขนาดได๋หรือว่าสิเป็นแค่คำส่า กะลองเบิ่งกันเอาเองโลด